Skip to main content

Kwa-Zulu Natal Department of Education

Kwa-Zulu-Natal-Education-logo
sa_flag ndp_2030
Banner-01
Banner-01
previous arrow
next arrow

KwaZulu-Natal Department of Education: To facilitate quality teaching and learning in a conductive classroom environment everyday.

I-Briefing Session isiqalile esikoleni Isikhalisezwe High School

UMnyango wezeMfundo esiFundazweni iKwaZulu-Natal ngokuhlanganyela nehhovisi likaNdunankulu wesiFundazwe uMnu uThami Ntuli bazovula ngokusemthethweni isikole Isikhalisezwe High School.

 

Lesikole sasungulwa ngonyaka ka-1978 sinekilasi elinye nje vo ngaleso sikhathi, ngemuva kweminyaka eminingi abazali babelokhu bengeza amakilasi ngokulekelelana noMphakathi nokuthe ngokuhamba kwesikhathi UMnyango wezeMfundo wangenelela, wanquma ukwakha lesi sikole kabusha. Abafundi bakulesi sikole sebebonke bangu-1489, amakilasi angu- 30 amakilasi ayisipesheli wona angu- 5. Kunezakhiwo zezokuxhumana, ezama-computer, ezesayensi kanye nezemidlalo.

 

UNdunankulu kanye noNgqongqoshe wowezeMfundo babikelwe kabanzi ngomsuka walesi sikole nangesimo saso sokufunda nokufundisa nokuyilapho encome khona igalelo loMnyango ekuthuthukiseni ezeMfundo ezindaweni ezisemakhaya nasemalokishini.

 

UMqondisi woHlelo oyiNhloko yoMnyango wezeMfundo uMnu. Nkosinathi Ngcobo uncome igalelo likaNdunankulu ekusekeni UMnyango wezeMfundo ukuze kuthuthuke izinga lemfundo esiFundazweni.

 

“Sibhidlize izakhiwo ebezingakulungele ukufunda abantwana bethu sakha kabusha izakhiwo eziseqophelweni eliphezulu ukuze abantwana bonke esiFundazweni bafane, bathole amathuba alinganayo, lesi sikole siyakuqinisekisa ukuthi sesikulungele ukusebenza njengalokhu sekuphelile ukwakhiwa kwaso”,kubeka Isekela Mqondisi Jikelele, uNksz Weziwe Hadebe.

 

UNgqongqoshe wowezeMfundo uMnu uSipho Hlomuka ubonge ukusebenzisana okuhle noNdunankulu okukwenza kubelula ukwenza umsebenzi wokufunda nokufundisa okuyiyona nhlosongqangi yoMnyango wezeMfundo.

 

UMnu. Thami Ntuli, uNdunankulu wesiFundazwe uthe inselelo uThishanhloko uMnu Ntanda abhekene nayo ukuphumelelisa bonke abafundi bathole u100% njengalokhu isakhiwo sesikhona, “ngiyakubongela Mnu. Sipho Hlomuka ngomsebenzi omuhle owenzayo, ezeMfundo zinozinzo ngaphasi kobuholi bakho” kubeka uNdunankulu.

 

Ngemumva kokwethulwa kwezinkulumo uNdunankulu nethimba lonke ahambisana nalo babe sebethatha uhambo bebheka isakhiwo,bavula iplaque ewuphawo olusho ngokusemthethweni ukuba isikole Isikhalisezwe High School isivuliwe.

 

Indawo: Isikhalisezwe High School, Amajuba District.

 

Usuku: 01 August 2025

wpChatIcon
wpChatIcon